إعلانات
مدينة أخرى تنضم إلى قائمة الاحتجاجات .. مئات الأتراك يتظاهرون ضد الوجود السوري في قيصري ( صور )
الخميس - 31 تموز - 2014 - 14:38 بتوقيت دمشق
التفاصيل


تظاهر المئات من سكان حي " دانشميت غازي " ضد الوجود السوري في مدينة قيصري التركية، في توتر جديد يسبق الانتخابات الرئاسية التركية.

وقالت مصادر إعلامية تركية، إن حوالي 400 شخص خرجوا في مظاهرة ضد الوجود السوري وقاموا بتحطيم سيارة سورية، قبل أن تقوم الشرطة بتفريقهم بالغاز المسيل للدموع.

وتضاربت الأنباء حول السبب الرئيسي للمظاهرة، مع ترجيحات بحصول مشكلة بين شبان أتراك وسوريين، أصيب على إثرها شاب تركي.

وانضمت قيصري إلى قائمة المدن الكبرى التي شهدت احتجاجات ضد الوجود السوري، وسبقها إلى ذلك كل من غازي عنتاب وكهرمان مرعش وأنقرة.

وعلى الرغم من التجاوزات الكثيرة والمخجلة لعدد كبير من السوريين والتي تؤدي إلى رد الفعل التركي الغاضب، إلا أن العديد من الحوادث الأخيرة جاءت بافتعال تركي فيما يبدو أنه جزء من الحرب الانتخابية بين أردوغان ومعارضيه.

عكس السير

 

 
التعليقات :
سامر
(32)   (3)
لقد عانى اﻷتراك من استهتار السوريين ماعانو وأنا أرى, كوني مقيما في تركيا, أن هذا أقل مايمكن أن يقوم به اﻷتراك للتعبير عن استيائهم. أقترح انشاء مؤسسة لتنظيم السوريين في تركيا قبل أن ينفذ صبر اﻷتراك على كوارث السوريين فقد وصلنا الى مرحلة خطيرة من النفور واﻻسيتاء من قبلهم.
حلبي من هون
(64)   (9)
ليش نتخبا ورا اصبعتنا ..سبب الازمة هم الحلبية ريف ومدينة "سوا مشتركين متضامنين متكافلين" للاسباب التالية: الحلبية يزعجون الاتراك بالاصوات والسهر حتى ال2 صباحا بينما معظم الاتراك الساعة 10 ينامون السوريون يرمون الاوساخ في كل مكان و في الحدائق التلطيش و التحرش بالتركيات حتى بالعيون بتحرشو بالبنات يا عيني يا روحي اذا هي مزلطة مو يعني فلتانة و انت كمان ابن اكابر غض بصرك و مرتك و اختك بتلبس مانطو و محجبة ما تفكر ما حدا بيقدر يتحرش فيها طبعا عدا النصب و الغلاظة و المعلاق الي بفرش طبعا ما منشمل الكل لانو في ناس بتنحط على الجرح بطيب
لا يغير الله ما في قوم حتى يغيروا ما في انفسهم
(56)   (1)
الازمه لم تعلم السوريين و لم تصقلهم بل زادتهم سوءا حتى ما عاد يقدر سوري بتركيا يحكي عربي بالشارع او السوق خوفا من الاتراك نحن شعب منستاهل اكتر من اللي عم يصير فينا لاننا لسا ما تربينا و لا يغير الله ما في قوم حتى يغيروا ما في انفسهم
سوري مقيم بتركيا
(21)   (0)
والله نحنا السوريين وين ماعم نروح منوسخ لهيك محدا عم يرضى يستقبلنا بظن معهم حق الأتراك يثوروا على السوريين وهادا مابيصب بمصلحة اردوغان لأنو لو أجت حكومة جديده مارح يخلوا سوري يدخل عتركيا .. أحيانا بقول نحنا السوريين شو ماعمل فينا الله قليل إذا ما منحب بعضنا وتصرفاتنا مابتدل لا عتربية أحيانا ولا على دين إلا من رحم ربي عم ننصب عبعض ومنستغل الأزمه لمصلحتنا الشخصية بظن حتى الأتراك عم يعانوا من هالشي
مهند
(17)   (4)
يا حبيبي عيب عليك تحكي على الحلبية او على أي مدينة تانيه بهالشكل, ازا شفت كم واحد حلبي عمل هيك انا شايف بلاوي من غير مدن, بس جد عيب عليك . اصىلا نحنا السوريين بعمرو بلدنا مش رح يزبط ازا ضلينا هيك منكره بعضنا. يازلمة منخلص من العنصرية الطائفيه بتتطلعلنا عنصرية المدن و المناطق. بيكفي بقا قرفتونا. مشان الموضوع الأصلي بصراحه الغلط الاكير جاي من تصرفات بعض السوريين بس في ناس كمان عمتستغل الموضوع سياسيا و بشكل عنصري.
سانتو
(11)   (0)
صاحب التعليق الأول محق ، لازم تكون في رابطة في كل مدينة من السوريين ، يفضل من المقيمين سابقا في تركيا أو من الذي يجيد اللغة التركية ، يسجل كل الوافدين الى كل مدينة في هذه الرابطة أو الهيئة و يعلم بأنه في حال تجاوزه للأنظمة و القوانيين ستتخذ بحقه الإجراء اللازم بحيث يصل الى ترحيله من تركيا اذا دعت الضرورة بالتنسيق مع السلطات التركية، و تقوم هذه اللجنة بتعريف السوريين بالقوانين و الإستشارات التجارية و تقديم النصائح لهم .
SYR
(10)   (2)
كلام موجه لادارة الموقع وللأخ حلبي من هون للمرة المية.... التعميم غلط وتسمية المسيئين بأسماء مناطقهم غلط أكبر.... بقدر اذكرلك اساءات بالمئات لكل السوريين موثقة بحسب مناطقهم وأظن باقي سورية ما اصلن سويسري والحلبية قمة التخلف.... رجاءا ياعكس السير كفى هذا التجييش المناطقي ضد حلب و كأن كل مشكلة بتصير في تركيا بيكون سببا حلبي وأظن هال الطريقةعفا عليها الزمن...كفى.
مغترب سوري
(16)   (1)
أتمنى من كل السوريين في تركيا وغيرها أن يكونو على قدر من المسؤولية والأخلاق حتى يتمنى أي شعب أن يعيش معهم بخير وسلام ، والأغلبية السورية تتمتع بحسن الخلق وأتمنى أن يكون هناك منظمة أو هيئة مسؤولة عن ردع أي سوري يسيء لسمعة الشعب السوري
نبراس الحلو
(5)   (1)
اتمنى من كل دول العالم تطرد جميعالسورين لكي يتعلمو اولا عدم الهروب من المسولية ولكي لايتركو بلادهم لحزب اللات وايران ((( طبعا انا من سوريا ))) وحاليا بتركيا زيارة ومن كترة ماشفت من السورين بتركيا صرت اخجل قول انا سوري
سومر
(5)   (2)
انا كنت بغازي عينتاب , في سوريين كتيير والاتراك مكيفين ومستفيدين منهم بس في بعض الحالات الشاذة سببها الكارثة اللي نحنا فيها , والله السوريين عميشتغلوا بكل المدن باسعار بسيطة لحتى يستروا حالهن والاتراك قسم منهم نصابين عمياكلوا حق الناس وهيك عمتبلش المشاكل , او في مطاعم سورية كسحت السوق وصار في حسد يعني مصيبة منين ماجبتها الله يفرجها عالسوريين ويرجعوا لرشدهم ماراح يحويهم غير تراب بلدهم .بيكفي تجحيش من كل الاطراف .مليون حل فيه .
سوري
(6)   (5)
الاتراك اوسخ من السوريين الاتراك عم ياكلو حق السوريين العمال والي مستأجرين بيوتن يعني عم ينهبونا فوق مصيبتنا لما بيعرفوك سوري انو متل تفي يعني اذا السوري بدو يستأجر بيت لازم يدفع تأمين عيلي شهرين او شهرين ونص ولما بيجي بدو يسلم البيت بطالعلو 100 قصة وقصة اذا طلع التركي ابن حلال بينشل نص التأمين اما اذا طلع ابن حرام وهيك الاغلب بقلو لازم ندهن البيت وبينفض اليبت على حسابك لأنك سوري بقا حاج تقولو وتقولو السوريين وسخين والاتراك على اوسخ وادق رقبة بس الفرق انو الاتراك قاعدين ببلدن عم يتملحو فينا ونحن مهجولين وعم نضرب يمين وشمال
صباح الحلبي
(8)   (4)
انا حلبي المولد والأصل والله يااخي مايصدر من أبناء مدينتي بالعموم لأمر مخجل من تصرفات يوميه معيبه صوت عالي في المواصلات العامه ادعاء دائم بالفهم وانتقاد للأتراك في كل شيئ حتى ان هناك كثير من الاراذل الانذال من السوريين وبالأخص من مدينه حلب أعرفهم شخصيا يتهمون الأتراك بخراب بيوتهم ومعاملهم في حلب وحتى انهم من المنحبكجيه لفشار الفسد لعنهم ولعنه الله وهم كثر فإن كنتم من مؤيديه ياريت يفرقونا ويروحو لعندو والملفت كثره عددهم من مدينتي ريفا ومدينه
سودتو وجهنا سود الله وجوهكم
الله يستر
(3)   (0)
بس تطلع المشكله من اي غريب بالبلد ولو شخص غلط من اصل ميه خلص بتتعمم ما منكر انو كمان في اغلاط من الطرفين اتراك وسوريين بس نحنا لازم نتحمل لاننا برات بلدنا و المعارضه التركيه هون شغاله تجيش وشحن عالسوريين يعني كنا بمصر بزمان مرسي يعاملونا احسن معامله بس راح مرسي بلش الاعلام يضخ و يلعب بعقول المصريين و طلعو وكسرو محلات السوريين مع انو لا لطشنا بنات ولا كبو زباله بالطريق
حلبي سني
(7)   (3)
بدي افهم شغلة الحلبية شو عامليين للناس لسا كل واحد بينط بيتفلسف بيقول حلبية أنا بحكي الحق مو كل الناس منيحة وأصابع الايد مو نفس بعض بس بصراحة عيب هل حكي تقول السوريين كلهم ملا ئكة أو الاتراك لك حبيباتي كل عيلة وفيه االمجرور تبعها بس كمان نحن بس منعلق على الفاضي يعني مبينة من اجل الانتخابات غالبية هذه المظاهرات اللي طلعت فجأة وما في مانع نحن نحسن كلنا كسوريين تصرفنا بين بعضنا ومع الأتراك بمنيحهم وعاطلهم
توضيح
(2)   (0)
شخص سوري من حلب ( من نفس حلب او الريف لم يتبين بعد ) اعتدى على طفلة تركية عمرها تسع سنوات وعندما عرف الاتراك من اهلها واقاربها هجموا عليه وقطعوا يده وهناك اخبار تقول انه توفي

وبعدها كبرت المشكلة وتدخلت الشرطة بعد تكسير سيارات للسوريين

ونزيد ملاحظة لمن يسمي نفسه سوري
الاتراك اكرموا السوريين اكثر من اي بلد واسال السوريين في قيصري خاصة
اعطوا السوريين منازل ببلاش ... اذهب الى اي بلد عرب وشوف ومن ثم اذهب الى تركيا لاجد العزة

على العموم تحية لتركيا حكومة وشعبا


اسال الله ان يهدي كل من يضيق على السوريين الشرفاء


أضف تعليقك :
الاسم : *
التعليق : *
Keyboard لوحة مفاتيح عربية
ضع الكود الموجود بالصورة : *

مقالات أخرى من " طافشيين "

11-3-2015
تنفيذ حكم القتل بحق " مهرب مخدرات " سوري الجنسية في السعودية
نفذت وزارة الداخلية السعودية حكم القتل تعزيراً بحق "فادي صبحي عبداللطيف عبدالرزاق" – سوري الجنسية – بتهمة تهريب ...


11-3-2015
موسكو لا تعتبر أن ما يجري في سوريا يستدعي اللجوء .. آمال السوريين اللاجئين في روسيا لا زالت خائبة
بعد فترة انقطاع عن الدراسة استمرت ثلاث سنوات وجد خمسون طفلا سوريا من اللاجئين في روسيا مكانا لمواصلة ...


11-3-2015
وزير الدفاع اليوناني يهدد بإرسال المهاجرين غير الشرعيين والتكفيريين إلى غرب أوروبا
 هدد وزير الدفاع اليوناني بانوس كامينوس بأن تفتح اليونان حدودها أمام اللاجئين ومن بينهم اعضاء محتملون في تنظيم ...


10-3-2015
الإمارات تحذر من خطر التطرف في مساجد ألمانيا .. ووزير ألماني يدعو لدعم اللاجئين السوريين و العراقيين تجنباً لظهور "الإرهابيين"
أعرب ولي عهد إمارة أبو ظبي الشيخ محمد بن زايد آل نهيان عن مخاوفه من انزلاق المزيد من ...


10-3-2015
وسائل إعلام تركية تكشف سبب إغلاق المعابر الحدودية مع سوريا
كشفت وسائل اعلام تركية، يوم أمس الاثنين، سبب إغلاق السلطات التركية لمعبري باب الهوى وباب السلامة مع سوريا. ...


9-3-2015
السلطات اللبنانية تحضر لـ " تسوية أوضاع " اللاجئين السوريين و توزيعهم على مخيمات جديدة بالقرب من الحدود
قالت صحيفة السفير اللبنانية الموالية لنظام الأسد، إن المئات من النازحين المقيمين في مخيمات عرسال بادروا خلال الأيام ...


9-3-2015
دراسة : الألمان في غرب ألمانيا أكثر انفتاحا على المهاجرين
خلافا للولايات المتحدة، كان الحديث عن موضوع الهجرة إلى ألمانيا لايأخذ من اهتمام المواطنين الألمان في السابق. غير ...


9-3-2015
أمين عام حزب ميركل يطالب بقانون هجرة في ألمانيا
 ما يزال بيتر تاوبر، الأمين العام للحزب المسيحي الديمقراطي الذي تتزعمه المستشارة أنغيلا ميركل، متمسكاً بحملته لإدخال قانون ...